कर्मवीर स्व.भाऊराव पाटील यांच्या रयत शिक्षण संस्थेतील मोफत शिक्षण स्वप्नपुर्तीस पूरक महाराष्ट्र शासनाची अभिनंदनीय वाटचाल — प्रभारी प्राचार्या डॉ सौ उज्वला भोर
संपादक - अरुण आहेर
कर्मवीर स्व.भाऊराव पाटील यांच्या रयत शिक्षण संस्थेतील मोफत शिक्षण स्वप्नपुर्तीस पूरक महाराष्ट्र शासनाची अभिनंदनीय वाटचाल — प्रभारी प्राचार्या डॉ सौ उज्वला भोर
🔥 आग न्यूज पोर्टल
आत्मा मालिक दर महिन्याच्या पहिल्या व तिसऱ्या बुधवारी डॉ. पार्थ देवगावकर आत्मा मालिक हॉस्पिटल, नगर – मनमाड रोड,कोकमठाण ता.कोपरगांव येथे येत असतात….
डॉ. पार्थ देवगावकर.(किडनी रोग) तज्ञ रुग्ण तपासणी साठी उपलब्ध असतील.. तरी गरजू रुग्णांनी हॉस्पिटल ला येऊन तपासणी करून घ्यावी अशी नम्र विनंती…..
संपर्क – 7304755655🔥 आग न्युज पोर्टल नेटवर्क ९०९६६६४५३३
कोपरगाव : रयत शिक्षण संस्थेच्या श्री सद्गुरु गंगागीर महाराज विज्ञान, संजीवनी वाणिज्य गौतम कला महाविद्यालयात ‘शिक्षण सर्वांसाठी समृद्ध महाराष्ट्रासाठी शिष्यवृत्ती योजनांवर चर्चेसाठी परिसंवादाचे’ आयोजन करण्यात आले होते. हा परिसंवाद ‘महाराष्ट्र शासन सहसंचालक उच्च शिक्षण विभाग’ यांच्या आयोजनुसार संपन्न झाला.
उच्च शिक्षण घेणाऱ्या मुलींना मोफत शिक्षण देण्याबाबतच्या अंमलबजावणीची माहिती देणे हा या मागील हेतू होता.या संवादामध्ये उच्च व तंत्र शिक्षणमंत्री नाम. चंद्रकांत पाटील , प्रभारी प्राचार्या डॉ सौ उज्वला भोर व इतर पदाधिकाऱ्यांनी विद्यार्थ्यांना, मुलींसाठी शिक्षण शुल्क व परीक्षा फी माफ, तसेच महाराष्ट्र शासनाच्या महाविद्यालयीन विद्यार्थ्यांसाठीच्या इतर वेगवेगळ्या उपक्रमाची माहिती दिली. तसेच विद्यार्थ्यांनी विचारलेल्या शंकाचे निरसन केले. याबरोबरच विद्यार्थ्यांनी आपापल्या स्तरावरील समस्या सोडविण्यासाठी एकत्र येऊन ई-मेलद्वारे संपर्क करावा, असे आवाहन केले.
संवादानंतर विद्यार्थ्याशी हितगुज करताना ज्येष्ठ प्रा. डॉ. एम. डी. सांगळे यांनी ‘महाविद्यालयाची समृद्ध परंपरा व पारदर्शकता वेगवेगळ्या उदाहरणातून विषद केली’. अध्यक्षीय मनोगतात प्राचार्य डॉ. उज्ज्वला भोर यांनी रयत शिक्षण संस्थेचे संस्थापक कर्मवीर भाऊराव पाटील यांच्या दिन-दलितांपर्यंत, तळागाळापर्यंत शिक्षणगंगा नेण्याच्या स्वप्नपूर्तीसाठी पूरक अशी अभिनंदनीयभूमिका महाराष्ट्र राज्य शासनाने घेतल्याबद्दल शासनाचे आभार मानले. या योजनेचा लाभ घेऊन ‘विद्यार्थ्यांनी विद्यार्जनाबरोबरच सर्वांगीण विकासासाठी तत्पर राहण्याचे आवाहन केले. तसेच शिष्यवृत्तीसंबधी महाविद्यालय स्तरावर शक्य त्या सर्व अडचणी तातडीने सोडवू असे आश्वासन दिले आणि आर्थिकदृष्ट्या दुर्बल घटकातील मुलींना शिक्षणशुल्क आणि परीक्षा शुल्क या योजनेबद्दल माहिती दिली’.
या कार्यक्रमासाठी कला विभागाचे उपप्राचार्य प्रा. डॉ. बी. आर. शेंडगे, वाणिज्य विभागाचे उपप्राचार्य डॉ. ए. बी. भागवत, ज्येष्ठ प्राध्यापक डॉ. एम.डी. सांगळे, नोडल ऑफिसर प्रा. डॉ. एम. आर. यशवंत, प्रा. डॉ. देविदास रणधीर, कार्यालयीन अधीक्षक श्री. सुनील गोसावी, शिष्यवृत्ती विभागतील लिपिक श्री. दीपक हंडोरे, यांसह विद्यार्थी-विद्यार्थिनी मोठ्या संख्येने उपस्थित होते. सदर कार्यक्रमाचे प्रास्ताविक व आभार प्रा. डॉ. एम. आर. यशवंत यांनी मानले
